شروط الإيجار
أيامك التلاتة
كل إيجار مدته ٣ أيام: بتستلمي الفستان قبل مناسبتك بيوم وبترجّعيه تاني يوم بعدها.
حجز يومك
- اختاري يوم مناسبتك من صفحة الفستان وابعتي الطلب على واتساب. يومك بيتحجز لما فريقنا يأكّده وتدفعي عربون الحجز.
- عربون الحجز جزء من سعر الإيجار ومش بيترد: ٥٬٠٠٠ ج.م. لفستان الزفاف، ولفستان السواريه ١٬٠٠٠ ج.م. لو الإيجار لحد ٤٬٠٠٠ ج.م.، و٢٬٠٠٠ ج.م. لو أكتر من كده.
- باقي السعر بتدفعيه وإنتي بتستلمي الفستان.
التأمين
وإنتي بتستلمي الفستان بتسيبي كمان تأمين بيترد، بنفس قيمة العربون. بيرجعلك كامل لما ترجّعي الفستان، مخصوم منه قيمة أي تلف نلاقيه وإحنا بنراجعه معاكِ.
التعديلات
كل فستان بيتعدّل على مقاساتكِ مجانًا. التعديل الكبير ممكن ياخد وقت أطول، فاحجزي بدري.
الاستلام والإرجاع
- الاستلام والإرجاع في قسم التسليمات في حي الجامعة، وفستان فرع الرحاب بيتستلم ويترجع في فرع الرحاب. مفيش توصيل للبيوت.
- التأخير في الإرجاع عليه ٢٠٠ ج.م. عن كل يوم زيادة، وكمان التأخير في الاستلام، والاتنين بيتخصموا من التأمين.
تغيير الحجز
تقدري تنقلي حجزك ليوم تاني أو تغيّري الفستان بدل ما تلغي. أما الإلغاء فالإدارة هي اللي بتقرره.